హౌరా

హౌరా (Howrah) (బెంగాలీ: হাওড়া ) పశ్చిమ బెంగాల్ రాష్ట్రంలోని ఒక పారిశ్రామిక నగరం. హౌరా నగరం, దాని పరిసర ప్రాంతాలు హౌరా జిల్లాలో ఉన్నాయి. హుగ్లీ నదికి పశ్చిమపు ఒడ్డున ఉన్న హౌరా, నదికి అవతలి ఒడ్డున ఉన్న కలకత్తా జంట నగరాలు. హౌరా పశ్చిమ బెంగాల్ రాష్ట్రములోని రెండవ పెద్ద నగరం. కలకత్తాను, హౌరాను కలుపుతూ నదిపై ప్రసిద్ధ హౌరా వంతెన (రబీంద్ర సేతు) తో పాటు విద్యాసాగర్ సేతు (రెండవ హౌరా వంతెన), వివేకానంద సేతు వంతెనలు ఉన్నాయి. హౌరాలో కలకత్తా, హౌరా నగరాలకు సేవలందిస్తున్న, దేశములో ప్రధానమైన హౌరా రైల్వే స్టేషను ఉంది. ఇది కోల్‌కాతా మెట్రోపాలిటన్ ప్రాంతంలో భాగంగా ఉంది.