Onguløy eller Partizan Island er ei øy i Antarktis. Denne krokforma øya ligg midt i innløpet til Langnesfjorden i Vestfold Hills. Ho vart kartlagd av norske kartografar frå flyfoto teken under Lars Christensen-ekspedisjonen (1936–37) og vart namngjeven av dei, men sidan namnet kunne forvekslast med den meir kjende Ongul nyttar ein i staden det russiske namnet. Området vart sidan fotografert frå lufta av U.S. Navy Operation Highjump (1946–47), ANARE (Australian National Antarctic Research Expeditions) (1954–58) og Den sovjetiske antarktisekspedisjonen (1956). Ho fekk namnet Ostrov Partizan (Partisan Island) av den sovjetiske ekspedisjonen.
