Prvić

Prvić er ei lita øy i Adriahavet ved kysten av Kroatia. Ho er ein del av øygruppa Šibenik, om lag 1 km frå fastlandet nær Vodice. Namnet på øya kjem mogelegvis frå Prvin, namnet på den kroatiske vårguden. Det ligg to landsbyar på øya, Prvić Luka og Šepurine. Ho har eit areal på 2,37 km², og eit folketal på 453 (2001). Det er ingen bilar på øya. Šepurine ligg på vestsida av øya ovanfor Vodice. Prvić Luka ligg i den største vika på søraustsida, og er verna mot nordleg og vestleg vind. Den vidkjende vitskapsmannen Faust Vrančić ligg gravlagd ved Prvić Luka sidan øya var feriestad for familien hans om sommaren.