Pamvótidasjøen

Pamvótidasjøen (gresk Λίμνη Παμβώτιδας Límni Pamvótidas), òg kalla Ioánninasjøen (gresk Λίμνη Ιωαννίνων, Límni Ioannínon), er den største innsjøen i Ípiros i Hellas og ligg nær den sentrale delen av periferieininga Ioánnina i Hellas. Han ligg aust for byen Ioánnina, medan småbyen Pérama ligg i nord. Resten av dei omliggande områda er jordbruksområde, medan områda lenger nord og aust er fjellendt. I innsjøen ligg det ei lita øy like ved byen Ioánnina. Det er den einaste busette øya i ein innsjø i Hellas. Øya har ikkje noko namn, men blir berre omtalt som Øya (gresk Η νίσος, I nísos) eller Ioánnina øy.