Aeroporto de Luxemburgo

O aeroporto de Luxemburgo (IATA: LUX, ICAO: ELLX) é o principal aeroporto de Luxemburgo e o único que conta cunha pista pavimentada no país. Anteriormente chamábase Aeroporto de Luxemburgo-Findel debido a que se atopa na localidade de Findel. Atópase a 6 km ao leste da cidade de Luxemburgo. No ano 2016 pasaron polas súas intalacións un total de 3 021 915 pasaxeiros. Por toneladas de carga, Luxemburgo é o quinto aeroporto máis concorrido de Europa e 28º do mundo. Luxair, a aeroliña nacional do país, e a compañía de carga Cargolux teñen as sías oficinas principais nas instalacións do aeroporto.